相信唔少史友們都知道，明朝嘅尚方寶劍係唔斬得清朝嘅官，咁問題嚟喇，明明明當清朝入關、明朝就已經滅亡，咁點解作為新朝嘅清朝，仲會供奉住明朝嘅帝王牌位？今次阿史就同大家講一講當中嘅原因。
喺多爾袞入到京城之後，作為外族嘅佢第一時間做嘅事並唔係大肆破壞前朝嘅建築，而係將自己祖先嘅牌位放入建於永樂年間、專門畀皇帝祭祀祖先用嘅家廟。多爾袞呢個舉動非常特別，但又具有象徵意義，意味住當時真正嘅改朝換代，而清朝就係繼承明朝正統。
咁清朝祖先嘅牌位入咗太廟，明朝嘅祖先又點算呢？明朝帝王嘅祖先牌位並冇被棄置，反而係由清朝繼續供奉起嚟。喺當時仍然存在反抗勢力嘅時候，呢個舉動係為咗安撫人心、確立統治正當性，而喺所有反抗勢力唔再成形之後，同樣嘅舉動就係如乾隆時期「法戒論」所言，為咗警惕後人要成為一個有作為嘅君主，而唔係一個亡國之君。
原圖嚟自網絡