無論喺《三國志》、《三國演義》，定還是後來改編成嘅各種影視作品當中，關羽嘅形象依然都係忠義志勇，甚至仲被先民將其奉為民間信仰，咁到底呢位咁傳奇嘅歷史人物係咪真係姓關呢？
早排就有位河南研究姓氏文化嘅學者對關羽生平作出研究，並指出關羽極有可能唔係姓「關」，而係姓「馮」，叫做「馮賢」。據呢位學者研究清朝戲曲選本《清音小集》以及《中國古代歷史小說考》兩本古籍，當中關於「關羽」嘅記載並唔係稱佢為「關羽」，而係稱之為「馮壽長」，而佢本名更加係叫做「馮賢」。
咁點解後世會稱「關羽」為「關羽」，原因就係因為關羽逃跑到潼關果陣，為免畀人識穿身份，就隨口以潼關嘅「關」字為姓，天空飛過嘅雀為名，所以就叫「關羽」。
之不過，隨住呢個講法流傳，唔少學者都紛紛駁斥指，其實關羽父親喺歷史上就已經有記載係叫做關毅，所以根本唔存在姓馮呢個講法，唔知史友們又點睇呢？
原圖嚟自網絡