喺戰國末期，秦國憑住出色嘅計謀以及軍事實力，喺公元前236年攻打趙國到前221年滅齊國，喺十五年時間當中就先後消滅韓、趙、魏、楚、燕、齊六國，結束春秋以來長達500幾年嘅諸侯割據紛爭。之不過，呢度就存在一個問題，就係明明秦國嘅實力係如斯強大，點解偏偏就唔滅埋當時弱小嘅衛國，完成真真正正嘅統一呢？當中原因可能史友們真係估唔到！
喺戰國時期，其實衛國係一個相當唔起眼嘅諸侯國，但一共900幾年歷史當中就出咗商鞅、吳起、呂不韋、荊軻等人才，但咁樣都唔係秦始皇唔滅呢個國家嘅原因。如果講到比較可行嘅原因，就係衛國喺當時嚟講並唔似係一個主權國家，名義上係衛國，但實際上就似係一個附庸國。
喺周朝分封姬姓諸侯國當中，衛國第一代國君係周文王嫡九子康叔封，衛國亦都曾經一時強盛，甚至仲出兵助周平戎。但喺經歷狄人入侵，專臣亂權後，國力已經不斷衰弱，去到公元前254年衛國已經成為魏國封君之地，公元前241年秦國甚至仲取得衛國濮陽等地，衛國早就已經名存實亡，依附於秦國。咁所以，喺秦始皇滅六國之時，其實衛國都已經唔算係一個國，滅唔滅都已經冇太大意義。
原圖嚟自網絡