之前介紹咗朱元璋令人去挖劉伯溫墓地，其實仲有一位歷史名人都疑似有咁做，佢就係曹操。
曹操係東漢末年嘅軍事強人，不過佢嘅行為响呢千幾年來都相當有爭議。話說响官渡之戰前夕，陳琳就為袁紹撰寫咗一篇文叫《為袁紹檄豫州》，係曉諭劉備同各州郡討伐曹操嘅檄文。呢篇文就列出曹操唔少不仁不義嘅行為，其中一個就係挖墳。呢篇文就寫話曹操率領將領士兵，親自發掘又梁孝王陵墓，破棺裸屍，掠取金寶。後嚟更特置發丘中郎將、摸金校尉，所過隳突，無骸不露。
當然！呢篇文主要係為咗寫曹操嘅惡行，所以就提及佢對漢室不敬，號召各路人馬討伐曹操。當然，最後陳琳都係為曹操效力。
原圖嚟自網絡