上次提及過成濟弒君嘅歷史，而佢呢個行動就係因為賈充一句話令佢殺咗魏帝。可能史友們對三國後期故事無前期個啲咁熟，但賈充以至佢家族成員就值得大家認識。
賈充可以話係司馬昭同司馬炎嘅心腹，亦可以話係西晉嘅開國功臣。佢爸爸就係於曹魏陣營仕官多年嘅賈逵，賈逵更加曾經處理過曹操喪事。而响魏吳之間嘅長亭之戰，協助曹休逃脫。而响佢死後賈充就繼承阿爸陽里亭侯爵位，入仕曹魏之位。之不過，賈充個心就似乎係偏向司馬家多過曹家，同司馬師以及司馬昭關係都好好，仲協助司馬氏剷除曹氏勢力，包括指示成濟弒君。司馬昭病重臨死前，就向世子司馬炎指明賈充可以輔助佢，結果賈充就成為西晉開國功臣。
上文明明寫到佢忠於司馬家，但又點解話佢害咗司馬氏呢？原因係佢有個女叫賈南風，後嚟成為晉惠帝嘅皇后，結果賈后亂政，仲引發八王之亂，令司馬家族人士自相殘殺。所以話賈充禍害司馬氏政權，實不為過。
原圖：《三國演義》劇照