早前阿史就同史友們講過，歷朝歷代嘅劊子手當中都存在住一條規矩，就係每個劊子手最多只能夠斬九十九個人頭，原因係因為佢哋都深信「殺人過百，絕子絕孫」！之不過，其實就算唔殺人過百，好多劊子手都已經無兒無女，到底當中有咩原因呢？
作為執行律法當中死列嘅行刑者，劊子手係可以得到豐厚嘅薪酬。之不過，其實呢種始終都係剝奪他人性命嘅工作，喺封建迷信嘅時代，其實呢種職業一直都被視為不祥，唔單止會被普通百姓排斥，想要自自然然娶到老婆就更加難。
有史友可能會諗，既然劊子手喺當時嚟講咁有錢，而古代又存在買新娘呢種情況，咁佢哋買返個新娘咪得囉！理論上呢件事係可行，但實情唔少女子都擔心自己可能會死喺劊子手手上、惡運傳到家中，所以就算佢哋肯買，女子嘅家人都唔一定肯賣，呢個就係點解古代劊子手多數都無兒無女嘅最大原因喇！
原圖嚟自網絡