今時今日要辨識一個人嘅身份，最簡單直接而又有公信力嘅方法就係通過身份證，但喺古代，身份證都仲未出現嘅時候，到底古人之間又可以點樣辨別到又或者自證自己嘅身份呢？今次阿史就同大家講一講啦！
雖然古代並冇好似現代呢種充滿各種防偽技術嘅身份證，但如果講到類似功能嘅官方信物都係存在嘅！喺早年之所以要辨識一個人嘅身份，好多時候都係同刑罰有關。喺戰國時期經歷過商鞅變法後，當時秦國嘅戶籍制度就得以改革，並且一旦有人要出門遠行，都必須持有一塊寫有個人姓名、性別、畫像以及原住地資訊以及政府公章嘅竹牌，為咗就為避免有身份不明嘅人、間諜、甚至逃犯出現。
而去到後來漢代以及隋代，都沿用返秦代嘅呢套「照身帖」制度，而對於官員嘅身份，唐代就推行咗一種「魚符」嘅證件，按照官員職位分為黃金、白銀以及黃銅材質、明朝亦都有「牙牌」出現，真係相當有意思。
古代身份證制度喺清代亦都繼續得以發展，個人腰牌上嘅嘅資訊亦都更加詳細，姓名、年齡、工作單位、職業通通有齊，唔單止會有持牌者面部特徵，仲會以帽珠可表現每個人嘅身份，喺當時嚟講都真係幾嚴謹。
原圖嚟自網絡