喺現代人睇嚟，無論係大、中、小學，考試考到第一先係最開心嘅事，如果用返呢個標準嚟睇，咁古代考科舉自然係中狀元先至最正，但原來對當時嘅仕子嚟講，中探花可能先係最開心！
科舉作為古代最出名、最能令寒門子弟有出人頭地嘅一種選拔制度，喺經歷過院試、鄉試、會試以及殿試之後，理應人人都想高中狀元，但點解古代唔少人淨係想中探花呢？原來要中探花並唔單止講求才學，仲係講求外貌架！
喺科舉考試當中，其實就有一項不成文規定，就係探花必定要係外貌俊俏之人！早喺唐朝，當時喺進士及第之後，皇帝都會邀請考生去到探花宴會，喺宴會之上就會喺進士之中選出兩個最靚仔嘅作為探花使，沿路就會採摘鮮花，揮灑筆墨，所以好受民眾關注。
唔單止咁，唔少官員、甚至宮中嘅公主亦都會喺呢個時候留意年輕嘅探花，因為佢哋好大機會可以成為自己嘅女婿、夫婿。換言之，中得探花既有大好前途，分分鐘仲可以順勢成家立業，真係開心過中狀元！
原圖嚟自網絡