繼續同史友們介紹世界各地嘅一啲新奇考古發現，「大海撈針」相信史友們都必定聽過，亦都知道當中嘅難度。而近日就有外國嘅考古團隊，喺海底成功「大海撈幣」，今次阿史就同大家介紹下啦！
近日以色列考古廳嘅考古團隊喺北部城市海法嘅海域進行海底勘查嘅時候，就喺海底搵到一枚造型獨特嘅硬幣。據考古團隊事後研究，就證實呢枚硬幣係羅馬帝國時期Alexandria嘅產物，並且硬幣上面刻有「8年」嘅字樣，即係羅馬和平（Pax Romana）時代，距今已經有成1900年，並且保存得相當完好！
眼利嘅史友可能都認得出，硬幣上嘅圖案並唔係普通嘅女人，而係月之女神露娜（Luna）。更重要嘅係，呢枚硬幣亦都唔係單獨一件產物，而係13枚硬幣套組嘅其中1枚，連同另外11個星座以及1枚描繪黃道12宮嘅硬幣組成一套！以往喺其他國家都有相關嘅發現，而呢次喺以色列就真係首次發現，真係相當新奇！
原圖嚟自網絡