作為世界八大奇蹟之一嘅秦始皇兵馬俑，以接近39年嘅時間、耗費大量人力物力建成，係我國第一個規模宏大、佈局講究嘅帝王陵寢。而之所以呢個帝王陵寢可以做到舉世知名，全因為當中嘅兵馬俑都係有住唔同衣着、武器、造型，歷經兩千年威武不減。之不過，唔知史友們又有冇發現，其實秦始皇兵馬俑當中嘅俑全部都係單眼皮呢？到底當中有咩原因，阿史今次就同大家講一講啦！
明明秦始皇兵馬俑被譽為「千人千面」，但點解個個都係單眼皮？關於兵馬俑點解都係單眼皮，主流其實係有兩個講法：
其一，就係因為「漢人血統說」，由於喺秦漢時期中國嘅漢人來源比較單人，基本上都係有單眼皮小眼睛嘅特點，直到魏晉南北朝游牧民族南下中原同其他民族通婚，先開始慢慢出現有雙眼皮特點嘅人。換言之，當時秦國嘅人都係以漢人為主，所以兵馬俑只係按返當時嘅人嘅特點嚟整。
之不過，其實有部份人認為兵馬俑都係有雙眼皮！要知道喺兵馬俑被發掘出嚟之後，原來就已經被上過顏色嘅兵馬俑，表面顏色喺極短時間之內就已經氧化消失，表面就只係得返一層陶土色。咁所以，原本以繪畫方式繪製嘅「雙眼皮」就係咁樣消失喇！
但係，無論係邊種講法至今為止都未有定論，唔知史友們點睇呢？
原圖嚟自網絡