古人對於死亡嚟講簡單而言就係「事生如事死」，亦都係因為呢種觀念嘅出現，厚葬之風亦都興起，唔少貴族、君主唔單止會喺生前就興建定自己嘅墓室，甚至仲會有合葬嘅打算。之不過，喺漢朝嘅皇帝當中，竟然係有一位皇帝選擇獨葬，到底當中有咩原因呢？
阿史所講嘅呢位皇帝就係漢武帝劉徹喇！作為將大漢皇朝帶到霸主地位嘅重要人物，佢驅逐匈奴、打通絲綢之路，奠定強漢。而呢位漢武帝其實先後有過兩位皇后，但點解最終都選擇自己獨葬呢？
最根本嘅一個原因就係因為漢武帝劉徹只愛自己。就算漢武帝生平當中有過金屋藏嬌嘅陳嬌定係相濡以沫嘅衛子夫，最終佢哋都係因為漢武帝而落得一個不得善終嘅下場，至於傾城與傾國嘅孝武皇后李氏就係先過武帝以皇后之禮下葬。所以去到最後漢武帝都下葬之時，其實已經冇任何皇后可以合葬，只能獨葬。
原圖嚟自網絡