喺唔少古裝劇當中，但凡皇帝想叫大臣徹查某件事、斬某位官員又或者開倉放糧，喺劇集當中都會馬上叫做「擬旨」。但喺歷史上，皇帝如果想「擬旨」又係咪咁簡單呢？今次阿史就同大家講一講啦！
要解答呢個問題，其實就係要先了解到到底「擬旨」呢項權力係喺邊個部門。以隋唐為例，喺隋朝進行改革之後，「三省六部」當中嘅「三省」中書省、尚書省、門下省就係朝廷權力嘅核心，喺隋唐年間如果要出到一份聖旨，正常嘅流程就係要先由中書省嘅中書舍人各寫一道聖旨初稿，再由各自嘅中書令挑選其中一稿加以潤色，繼而再定稿成正式詔書，交由皇帝審核。最後就係由門下省審查蓋章，最終由尚書省實行，真係流程多多！
雖然唔同朝代對於聖旨嘅擬定都可能會有少少唔同，但其本質都唔係由皇帝一人話事，而係要通過多個部門協調審核，聽落都覺得幾專業！
原圖嚟自網絡