早排阿史就同史友們介紹到古代嘅宮中有一種刑罰叫做「冰刑」，睇落冇乜危險性，但其實係足以令到受刑者下半生都失禁。而今次阿史就繼續為大家介紹一種，睇落冇乜殺傷力，但就會造成極大心理創傷嘅刑罰，髡刑。
髡刑作為中國上古五刑之一，係屬於恥辱刑嘅一種。顧名思義，就係將犯人所有頭髮、鬍鬚剃光。喺焦贛《易林·復之坎》就有解釋指「髠刑受法，終不得釋。」
喺今時今日睇嚟，呢種似乎都算唔上係乜刑罰，甚至完全冇懲罰嘅意味，但喺古代古人都深信「身體髮膚，受之父母，不敢毀傷，孝之始也」。咁所以，如果犯人被剃光身上毛髮，其實係被世俗為一個「大不孝」嘅行為，甚至仲會被稱為「髡人」，係一種人格侮辱嘅刑罰。
原圖嚟自網絡