最近阿史睇到篇報道，話日本有一位姓愛新覺羅嘅女性因為呢個姓而成為名人。其實响清朝滅亡之後，原本姓愛新覺羅嘅皇族都改咗姓，咁佢哋又姓乜嘢呢？
其實响清朝滅亡後，愛新覺羅後代唔少都改咗個漢姓。根據清帝退位時規定條款《清室優待條件》，皇族嫡系後裔主要都改姓為「金」，因為愛新覺羅滿語裡面就有「黃金」嘅意思，而其他後代就改姓為肇、羅、艾等漢人嘅姓氏。好似溥儀同父異母嘅細佬溥任，佢漢名就叫金友之，而佢昔日鄰居就稱呼佢為「金四爺」。不過，過去三十幾四十年有啲滿人恢復返舊姓，所以好似呢幾年都聽多咗人姓愛新覺羅。
原圖嚟自網絡