近排喺國內嘅社交平台就牽起一陣熱烈嘅討論，就係到底我國嘅百米飛人蘇炳添有冇可能係北宋著名文學家、大文豪蘇東坡嘅後代呢？今次阿史就同史友們講一講啦！
呢一切嘅討論其實係源於有一位知名博主喺網上平台就發現蘇氏宗祠嘅一段記錄，就係指蘇炳添可能就係「蘇東坡第二十九代孫，蘇劉義第二十一代孫」，咁到底呢句說話又正唔正確呢？
雖然如果呢件事係屬實，兩位「蘇神」就真係跨越千年嘅一脈相承，能文能武！之不過，其實按照現時所知嘅歷史，係相當難印證到呢件事。由元、宋、明清幾個朝代當中，每逢皇朝終結漢人都發生大逃難，咁所以族譜嘅記錄有幾可信真係可想而知！而且亦都有網友指出，蘇軾所身處嘅時代距離依家已經接近千年，蘇氏宗祠嘅記載又係咪真係可以咁清楚呢？可能真係要問下蘇東坡先知喇！
原圖嚟自網絡