中國作為一個多民族國家，整體嚟講就有大大小小五十六個民族，而如果大家都唔係少數民族嘅話，好多時候都會自稱自己做「漢人」、「漢族」。之不過，問題嚟喇，喺漢朝之後先至有「漢族」呢個稱呼，咁在此之前古人又係點樣自稱呢？
漢朝係中國歷史上一個強大嘅朝代，而喺漢朝建立之前其實仲有統一全國嘅秦國，但奈何呢個政權並唔能夠做到統一人心，雖然統一到六國，但當時嘅人仍然會自稱自己為「趙人」、「燕人」等等，主要就取決於佢哋嚟自邊個國家。雖然喺春秋戰國時期嘅人已經有「趙人」、「燕人」、「秦人」嘅呢種自稱，但當時仍然存在一個統一嘅自稱，凡係對外佢哋都會稱自己為「華夏人」。
咁「華夏」呢個詞到底又係點嚟，又點解會被應用呢？其實都係離唔開以下呢個講法：就係古人認為「華夏」已經係當時一個民族嘅概念，由於禹嘅族人夏後氏喺華山居住繁衍，而部落發展得極為興盛強大，甚至仲開始咗「家天下」嘅統治。隨住氏族部落生活結束，夏後氏繼續繁衍，所以後世都會自稱自己為「華夏族」。
原圖嚟自網絡