無論係任何朝代、定還是古今中外都好，近親或者族內嘅通婚多數都會帶嚟基因缺撼嘅問題，呢一點唔單止會對一個家族嘅興盛帶嚟重大影響，對一個遊牧民族而言更加係致命傷！
雖然話就咁話，但遊牧民族嘅人口始終有限，唔通過內部通婚的確好難增加人口，咁到底有冇咩解決方法呢？答案就係「搶妻」喇！喺蒙古崛起前，「搶妻」其實算係當時嘅一種潮流，所搶嘅正正就係外族妃嬪，搶到嘅數目愈多，就象徵住嗰位戰士愈勇猛。而成吉思汗一生當中雖然係有44位妻子係正式迎娶返嚟，但其實仲有幾百位妃嬪由敵人手中搶返嚟，真係誇張！
雖然呢啲妃嬪都係成為人質，但就會得到好好照顧，而且佢哋亦都深知自己一旦反抗，可能自己嘅部族就會受到報復，所以一般嚟講都會接受呢個現實！
原圖嚟自網絡