尋日8月15日係日本無條件投降同結束戰爭嘅77周年紀念，隨著日本宣布投降，第二次世界大戰亦正式結束。關於日本投降，好多人都知日皇裕仁响宮內省進行終戰詔書錄音，呢段錄音亦係有名嘅「玉音放送」。不過原來呢段令戰爭結束嘅錄音，差啲廣播唔到出去。
其實响1945年8月初，日本先後遭受兩次原子彈攻擊，加上蘇聯向日宣戰，日本戰敗只係時間上嘅問題。日皇裕仁就响1945年8月14日深夜11時25分開始，响宮內省進行終戰詔書嘅錄音。不過，當時仍有一批主戰嘅軍官，試圖阻止呢段錄音出街。呢批不願投降的年輕軍官，闖入咗皇宮試圖搶走錄音，目的自然係唔想日本投降。最後响皇宮人員奮力阻止之下，呢段錄音最終成功運去NHK，並於8月15日作全國廣播。
如果當時呢班少壯派軍官阻止成功，可能戰事又唔知會拖到幾時。當然！歷史係無如果。
原圖嚟自網絡