成吉思汗鐵木真可以話係世界歷史上一個傳奇人物，佢建立嘅蒙古帝國以至後代建立嘅幾個大帝國，橫跨歐亞，影響住整個人類文明嘅發展。其實，鐵木真曾經有一個宿敵，呢個人亦係結義兄弟，佢個叫札木合。
札木合係蒙古札達蘭部首領，細個個陣已經同鐵木真係好友，後嚟仲結義成為安答，响某一段時間二人關係好好，鐵木真借助札木合嘅力量報仇。不過，隨住鐵木真勢力漸大，二人關係因而破裂。當時札木合發動十三翼戰役擊敗咗鐵木真。但由於札木合以極殘忍方式虐殺戰俘，反而令原本跟從佢嘅部眾轉會加盟鐵木真陣容。最終鐵木真响闊亦田之戰擊敗已被推舉為「古兒汗」嘅札木合，後嚟札木合幾番轉折札木合淪為鐵木真嘅俘虜。當時鐵木真希望呢位安答能夠歸順，但札木合只求一死，最後鐵木真就將呢位結義兄弟賜死。
雖然札木合輸咗俾鐵木真，但佢嘅威名一啲都唔細，打過暗榮「元朝秘史」系列嘅史友，都應該知札木合嘅能力唔會底鐵木真好多。仲有，三十幾年前大台個套《成吉思汗》，札木合就由黃日華飾演，套劇佢同萬梓良係咁講「好安答」。
原圖：《成吉思汗》劇照