近期網上最紅嘅東南亞國家，就一定係柬埔寨，啲報道講到乜嘢KK園區詐騙拐帶虐待，真係好恐怖。不過响網上又有人話自己以往去柬埔寨其實非常安全，又唔覺治安有太大問題。
對於唔少人嚟講，講到柬埔寨就諗起吳哥窟。至於對阿史而言聽到呢個國家就會諗起《真臘風土記》。相信以前讀過高中中史嘅史友都應該有印象其中一個部分係交通史，而元代時有一個叫周達觀嘅人，奉命隨使團前往真臘，真臘係當時位於依家柬埔寨嘅國家，周達觀記載咗真臘嘅山川、物產等，其中記載咗當時住响真臘嘅海外華人嘅狀況。當然唔少得就佢亦有將真臘國首都吳哥城嘅建築同雕刻藝術寫得，當中就包括有後嚟嘅吳哥窟。
過咗幾百年後，有法國人按周達觀《真臘風土記》法文翻譯本，嘗試去尋找呢個古國遺跡。响1861年，法國生物學家亨利·穆奧無意中响原始森林中發現宏偉驚人古廟遺蹟，呢座就係吳哥窟。周達觀都應該無諗過佢呢本遊記，成為記錄元代東南亞歷史嘅重要史籍。
原圖嚟自網絡