提起巨石陣，可能唔少史友腦海中都會即時聯想到英國嘅索爾茲伯里石環，之不過近日嘅一個考古發現可能會令大家認識多一個巨石陣喇！
近日就有考古團隊喺西班牙南部發現到一個號稱係歐洲最大嘅巨石陣、由超過500個立石組成嘅巨石陣！呢個考古新發現就係位於西班牙及葡萄牙邊界最南端Huelva嘅一處農地，佔地足足達到600公頃。巨石陣原本係打算作為梨園，但當局就喺核準農地種植許可前，發現呢片土地有考古價值後，先至發現到呢個巨石陣嘅存在。
據考古團隊研究後，就認為呢個巨石陣係現今歐洲發現最大、組成岩石種類最多元嘅巨石陣。當中嘅巨石估計就係喺公元前6000年至5000年間後半期豎立，唔單止有各類巨石，仲有立石、石棚、石墩及棺材形狀嘅石櫃等，真係一次豐富嘅考古發現！
原圖嚟自網絡