繼續同史友們介紹一啲世界上近期發生嘅考古發現，喺大多數時候，我哋如果得知有啲古文物重新出土都會感到高興，而以下嘅呢件古物重現人間，就令到唔少人擔心！
歐洲近排都受到熱浪肆虐，唔單止出現歷史性嘅乾旱，甚至仲令到多瑙河水位跌到近一個世界以嚟嘅新低，唔少原本沉咗喺河底嘅「文物」亦都得以重見天日。由於河水乾枯，幾艘原本長眠於河底嘅二戰軍艦就被重新發現。據了解，呢艘原本沉喺河底嘅戰艦原屬二戰德軍嘅黑海艦隊，但喺二戰就被蘇聯軍隊擊退，部分艦隻更被擊沉。
本身發現二戰嘅戰艦都算係多返件歷史嘅文物，但點解阿史又會話令人擔心呢？原來喺軍艦上係有多達10噸炸藥，雖然軍艦已經喺河底接近八十年，但當地居民就擔心喺熱浪之下呢啲炸藥又會成為當地嘅一大危機！
原圖嚟自網絡