劉伯溫呢個人物充滿神秘嘅色彩，佢喺歷史上精彩嘅預言故事阿史以往都同大家介紹過唔少，而佢嘅一首《燒餅歌》更加被認為係預測咗明朝此後興衰。由於佢被認為係一位「神人」，佢生前所做嘅行為都被認為係有唔少寓意，其中一個奇特嘅行為就係臨終前向朱元璋送上一筐魚以及一本書！
作為明朝第一謀臣，劉伯溫曾多次被朱元璋稱佢為「吾之子房也」，但好可惜最後都係受到奸人所害，令到朱元璋都多番為難佢。雖然係咁，晚年嘅劉伯溫仍然心繫朝廷，經常都寫信為朱元璋解答天象，而喺佢臨終前，佢就為朱元璋送上《時務十八策》以及一筐魚。
《時務十八策》唔難理解，就係為朱元璋塑造出一個建國嘅大綱，確保大明嘅興盛。咁一筐魚又應該點樣理解呢？當時朱元璋眼見筐入面有好多魚，但就因為數量太多而逼埋一齊搞到奄奄一息。見到呢個景象，當時朱元璋並唔理解，但喺十幾年之後，佢就同明白自己嘅皇子就如同呢啲魚，為咗皇位爭奪而出現奄奄一息嘅情況。結果，朱元璋就決定選擇朱標長子朱允炆成為繼承人，其餘嘅皇子都分封出去，以免有爭奪皇位嘅事發生。
原圖嚟自網絡