巴西即將迎來200週年獨立紀念日，喺呢個咁重要嘅日子，竟然有一樣意想不到嘅文物由葡萄牙借出送到去巴西，呢件就係「國王的心臟」喇！
了解巴西歷史嘅史友們應該都知道，早喺16世紀之時，巴西就已經被葡萄牙殖民。而喺1807年，葡萄牙被拿破崙入侵，葡萄牙國王佩德羅以及佢嘅王室成員逃往巴西避難。喺1812年拿破崙戰敗後，佩德羅嘅王室成員唔返都返到國家，就只有佩德羅之子約翰六世以及孫子佩德羅一世留喺巴西。
冇幾耐，葡萄牙王室迎來唔少變化，瑪麗亞一世離世、約翰六世即位，而升任為王儲嘅佩德羅一世就繼續留喺巴西。當時葡萄牙國會本來想取消巴西特殊待遇，決定引起唔少巴西人不滿，但留喺巴西嘅王儲佩德羅一世不顧葡萄牙國會命令，最終喺1822年9月2日宣布巴西獨立，加冕為「巴西皇帝」。
佩德羅一世最終喺1834年去世，享年35歲，而佢嘅心臟就喺去世被割下來保存喺葡萄牙北部港都波多（Porto）教堂供奉。由於佩德羅一世對巴西呢個國家有住重大意義，所以呢次葡萄牙出借「國王的心臟」就係想表達「2個國家，由1顆心相連」嘅意思！
原圖嚟自網絡