近日國家主席習近平就向「里斯本丸」號船倖存者家屬覆信，喺信中習主席就鼓勵佢哋可以繼續致力促進中英友好，為呢段關係作出更多貢獻。而其實，關於「里斯本丸」號嘅故事，習主席並唔止一次講述過，咁到底喺歷史上「里斯本丸」號發生過咩事呢？阿史今次就同大家講一講啦！
「里斯本丸」號其實原本係一艘1920年下水嘅日本客貨輪，但喺二次世界大戰期間就被日軍偵用用作來往中國同日本，並且主要係用嚟運送戰俘。喺1941年日軍侵佔香港後，過萬名嘅英國、加拿大、澳大利亞及印度等國盟軍頓成戰俘，當時日軍就將佢哋分批送到日本從事苦役。
原本喺1942年9月，日軍就打算將1,816名囚禁於深水埗集中營英國籍戰俘送往日本，但喺10月1日駛到浙江舟山對開海面 ，由於船身並冇標記，就遭到美國太平洋艦隊潛艇部隊發射魚雷擊中。面對呢個情景，日軍並冇打算救人，反而係將所有艙口封上木條，以防戰俘逃走。
雖然對手係日軍，但面對海難嘅發生，目睹一切嘅舟山群島漁民仍然自發駕駛漁船救人，最終喺青浜島、廟子湖島漁船多次出動下，有384名戰俘被救起、843名英俘遇難。無論係當時定係後來，英軍官兵、英國政府對此深表感激。
原圖嚟自網絡