阿史今日見到中國歷史研究院嘅微博,原來以西曆計今日係滿清政府同英國簽署不平等條約《南京條約》嘅「紀念日」,呢一日對於中國人而言帶嚟嘅回憶,就係中國响開始成為半殖民地區嘅開始,可以話係國恥嘅起點。
「南京條約」又叫做《江寧條約》、係清政府第一條因為戰敗畀歐美國家所簽嘅不平等條約。喺1839年3月,由於林則徐到廣州嚴禁鴉片,同英國產生貿易、司法、外交等方面嘅衝突,令到英國政府內閣喺同年10月決定派遣遠征軍到中國。戰爭以1842年7月鎮江1500位八旗兵與英軍展開激烈巷戰而戰敗作結,經過交戰雙方喺靜海寺多次嘅談判,最後响英軍旗艦康華麗號上正式簽訂《南京條約》。
原圖嚟自網絡
評論:
共0 條評論