日前就有一個令人傷感嘅消息傳出，就係滙豐首位華人「大班」鄭海泉因病離世，終年七十四歲。
有「鄭大班」之稱嘅鄭海泉出生喺1948年嘅一個唐樓基層家庭，幼年時就曾經因為患上小兒麻痹症而一度不良於行，但佢憑住自身嘅知識仍然能夠改變命運，喺1978年先係加入香港上海滙豐銀行集團財務部，展開佢嘅「大班」之路。而提到鄭海泉生涯嘅轉捩點，絕對就要由1987年講起。其實喺1987年股災之前，佢所領導嘅經濟研究部就已經撰寫過報告提醒股市泡沫，結果真係成功幫助滙豐減少到喺股災當中嘅損失。
自此之後，佢唔單止受到高層賞識，甚至仲喺1989至1991年借調至港府擔任港督衛奕信顧問。喺1995年鄭海泉以47歲之齡、以首位華人嘅身份升任滙豐總經理， 同時佢亦都喺政界積極參與各種事務，為香港作出重大貢獻。
原圖嚟自網絡