如果由常理思考，假設大家即將要帶一個船隊出海長征，正常嚟講除咗必要嘅工作人員之外，其實都會帶上唔少年青力壯嘅男女。之不過，喺鄭和七次下西洋嘅過程中，其實佢甚少帶上年輕嘅女子同行，反而係帶咗一班年齡近乎五十歲嘅老婦人以及接生婆，到底當中有咩原因呢？阿史今次就同大家講一講啦！
其實鄭和七下西洋曾經到訪過三十幾個國家，佢嘅船隊絕大部分人都係青年男子，而喺傳統上嚟講「有女同行，航行不利」，所以女子基本上唔會出現喺船隊當中。咁點解老婦以及接生婆又可以參與其中呢？
先講講老婦人，「有女同行，航行不利」呢個講法係源於女性每月嘅「月事」，但老婦人基本上就唔會出現「月事」，所以呢點就唔存在衝突。而且，喺28年嘅下西洋歷程當中，呢班老婦人實際上就照顧晒船員嘅生活起居，特別係修補衣服上發揮重大嘅作用。至於「接生婆」就更重要，佢哋唔單止有醫學嘅知識同埋技術，去到一啲落後嘅國家仲可以協助當地嘅婦人接生以及解決一啲婦女疾病，所以絕對係一次國力嘅展現。
原圖嚟自網絡