又到一年中秋節喇！相信唔少史友已經食咗唔少，記得細個個陣，每年中秋除咗期待食月餅，仲好想拎走載月餅個鐵罐。話時話，點解香港會流行用鐵盒載月餅呢？
响以往社會，每年買月餅送俾親友可以話一個習慣，以往餅家都係紙盒載月餅。到咗上世紀七十年代，香港社會經濟開始好轉，啲人收月餅收多咗，出現食唔晒又難以保存嘅問題。於是有餅家就諗到將紙盒改為鐵盒，用嚟載月餅。因為鐵盒具備防潮、密封保鮮功效，啲月餅可以保存較長嘅時間。
當然！對於以往小朋友而言，月餅鐵盒最重要功能就係拎嚟煲蠟。
原圖嚟自網絡