喺唔少古裝嘅影視作品當中，每逢有書生考上秀才之後，鄉民都會熱烈慶祝並且富商都會上前巴結，但到底歷史上考中秀才又係咪真係咁巴閉呢？阿史今次就同大家講一講啦！
其實自從隋朝開始，科舉就已經成為一個普遍嘅制度用嚟選拔人材，一般嚟講讀書人就需要由童生開始慢慢考取秀才、舉人、進士等等嘅稱號，咁到底一名古代嘅秀才又會有咩待遇呢？
簡單啲嚟講，其實喺成個科舉制度當中，秀才就係除咗童生以外最低嘅階級，就算考到一等秀才都好，朝廷每年都只係會發放幾兩銀以及米糧等生活物資，所以唔少秀才為咗生活有時都需要開設私塾教書、代寫書信等等增加收入。換言之，秀才除咗唔需要對縣令官員下跪以及有少少福利之外，其實真係好普通！
原圖嚟自網絡