如果提到近代嘅盜墓界「傳奇人物」，相信唔少史友都會即時諗到孫殿英呢個名。當年呢位軍閥以炮火轟炸，強行挖空乾隆與慈禧等清朝皇室嘅古墓，將內部巨量嘅寶物通通搶走。之不過唔知史友們又有冇諗過，明明孫殿英都偷得清朝皇室嘅古墓，點解唔「順便」盜埋「明朝十三陵」？今次阿史就同大家講一講啦！
先由地理位置上分析，清朝清東陵位置正係位於唐山市遵化，呢個地方曾經係孫殿英嘅勢力範圍，咁所以要動員去開挖並唔係咩困難事。而更重要嘅係，清東陵雖然規模好大，但基本位置都已經得到確認，但明十三陵單單係搵地宮位置就已經相當困難。
而另一個重要原因就係，孫殿英喺破壞東陵之時，就提到自己係對清朝外族嘅入侵而作出報復，明朝就仍然係漢人建立嘅政權，咁所以如果佢走到盜「明朝十三陵」，變相就真係自打嘴巴，甚至仲真係會被群起而攻之！
原圖嚟自網絡