歷史上帝皇嘅陵墓往往都係唔少盜墓賊嘅目標，就算防盜嘅設計做到幾足、消息有幾咁保密都好，即使係帝皇陵墓都難逃一刧！咁今次阿史就同大家講一講宋朝皇帝陵墓啦！
其實宋朝皇帝陵墓係盜墓賊最唔願意到訪嘅，原因並唔係因為守衛幾咁森嚴、防盜設施有幾足，而係因為當中真係冇乜寶物可以偷！
簡單嚟講，北宋陵墓群就係有七帝八陵，但設計上基本都係由上宮、宮城、地宮、下宮4部分組成，相當其他朝代而言係比較簡撲。咁史友們可能會問，始終都係宋陵，冇理由冇寶物偷吧？其實喺最初陵墓當中係有唔少財寶，但自從金人後來立降金劉豫爲皇帝建立傀儡政權後，為咗收集財寶，甚至仲專門設立盜墓機構「淘沙官」。《宋史劉豫傳》曾記載，汴京淘沙官已經將冢墓多次發掘殆盡，所有財寶都已經被盜掘一空。咁面對住呢種國家級多次盜墓，民間嘅盜墓賊自然係冇計喇！
原圖嚟自網絡