最近大台大熱節目《無窮之路2之無價之寶》成為香港觀眾同網民熱議話題，其中兩集就講陳貝兒去咗新疆天山尋找瀕危動物天山雪豹。天山雪豹响新疆一帶可以話係地位崇高，連當地職業足球隊都以此命名。的確，响歷史中天山雪豹就有著唔同形式嘅記載同傳說。
先秦古籍《山海經·北山經卷》中，就記載咗一種名叫「孟極」嘅動物：「獸，其狀如豹，而文題白身，名曰孟極。」後世人相信孟極就係天山雪豹。此外，司馬遷在《史記·五帝本紀》中曾寫道：軒轅教熊、羆、貔、貅。有人認為「貔」就係指一個以雪豹為圖騰嘅氏族。而响昔日西域一帶，天山雪豹可以話係傳說中嘅動物，應該係話天山雪豹同傳說有好多關聯。例如响中國西藏地區，雪豹被當地佛教信徒尊為神物，响藏南地區，相傳放牧者被禁止响野外烤肉，否則山神會派「護法神」加以懲戒，「護法神」就係雪豹。
原圖嚟自網絡