繼續同史友們介紹一啲世界各地嘅重要考古發現，對於我國傳統嘅一啲墓葬以及陪葬品，相信唔少史友們都會略知一二。但如果講到其他國家嘅墓葬係點樣，唔知史友們又知唔知呢？
近日以色列考古學家就喺特拉維夫南部郊區發現到一個相信係距今3300年嘅青銅時代晚期墓穴。據了解，呢個墓穴係喺帕勒馬希姆海灘國家公園施工其間意外發現。喺考古團隊發掘後，就發現墓穴整體係以一條柱作為支撐，而內部就完整保留咗幾十件陶器、青銅器等等，而陶器方面就由普通嘅碗、紅漆高腳杯、烹調鍋等等都應有盡有！
為咗可以了解更多古代人嘅具體生活，考古學家甚至仲對器具上嘅殘留物展開化驗，希望可以搵到有機遺骸等。呢次發現唔單止為現世提供一個完整嘅青銅時代晚期葬禮習俗，甚至仲有助考古團隊了解呢個地區早年國際貿易往來及社會經濟發展。
原圖嚟自網絡