漳州聖杯嶼元代海船遺址嘅水下考古工作一直引起唔少考古迷嘅關注，而近日呢個歷時多年嘅水下考古工作終於都有成果公布喇！
近日喺漳州市博物館就有一個名為「海貿明珠——漳州聖杯嶼元代海船遺址水下考古成果展」嘅展覽舉行，當中就展出咗唔少珍貴文物！早喺2014年，經過國家文物局批准之下，福建省博物院組織開展相關海域水下文化遺產調查並且發現到海船嘅水下位置位於聖杯嶼海域水下28—31米，正正就係傳統海上絲綢之路南洋航線、東洋航線交匯處。
經過多年對遺址嘅調查以及發掘後，考古團隊就成功清理出近700件碗、盞、盤、洗、高足杯、龍紋大盤以及雙魚洗等器物，就特徵而言大部分都係元代晚期嘅器物。當中唔少都係保存較好、精品類嘅瓷器，唔單止研究價值高，仲有助大家了解我國元代航海史、造船史、海洋貿易史！
原圖嚟自網絡