可能就咁睇到呢個標題，唔少史友都覺得好驚訝，就係好地地嘅世界高等學府，點解會同奴隸貿易扯上關係呢？據英國媒體《衛報》、《每日郵報》、BBC報道，呢個講法似乎都真係無法推翻！
據以上幾間英國媒體以及劍橋大學自己內部嘅調查指出，其實唔少英國名校喺早期發展之時雖然係冇直接參與奴隸貿易當中獲取利益，但竟然不約而同地都喺奴隸貿易當中獲得巨大嘅好處。原因係呢啲名校過往都接受過唔少相關嘅捐款，而劍橋大學多個學院嘅捐款人係從事奴隸貿易生意，就好似兩大殖民機構東印度公司、皇家非洲公司（RAC）都為劍橋大學提供唔少捐款，變相就係講明英國教育界係靠販奴起家，世界知名高等學府亦同奴隸制度有住講唔清嘅關係。
據估計，喺17世紀至到19世紀初，英國嘅奴隸商人一共由非洲販賣超過三百萬名黑奴，皇家非洲公司更係壟斷成個英國喺非洲嘅買賣市場，就算大學冇參與其中，但確確實實就係收咗奴隸貿易得返嚟嘅血汗錢！面對呢種黑歷史，英國多間高等學府都有唔少舉動，阿史下篇再同大家講一講！
原圖嚟自網絡