繼續同史友們討論一啲有趣嘅歷史小知識，如果史友們有參觀過我國嘅一啲城牆遺址，應該都唔難發現其實城牆嘅牆身相當堅固厚實，要攀爬上去並且攻破城池並唔係一件容易嘅事，反之成個城池最薄弱嘅位置就必定係城門，咁到底點解守軍唔會將城門封死以作防守呢？
其一，保留城門暢通就係為咗令到守軍可以應對突發情況。要知道喺古代嘅攻城戰當中，攻城方其實係會出盡奇招攻破厚實嘅城牆，唔少掘開大壩、放水灌城嘅情況都曾經出現過，一旦守軍無法出城，就連阻止嘅機會都冇！而且，一旦完全封閉城門，任何支援守軍嘅物資以及援兵都無法送抵，到時就真係「死守」喇！
再加上，喺整體戰略上嚟講，雖然城門係成個城牆系統當中最脆弱嘅一環，但其實城門嘅存在係具備反擊嘅能力，一旦攻城方集中火力作出強烈攻勢想攻破城門，守軍就可以埋伏喺城門附近作出反擊，必要時仲可以出城追擊。
原圖嚟自網絡