能夠做到皇家嘅「乘龍快婿」係歷朝歷代唔少人嘅願望，既能享受榮華富貴，前途亦都無可限量。之不過，喺唐朝嘅時候就冇呢支歌仔唱，當時嘅男人甚至仲好驚自己會成為「駙馬」。到底當中有咩原因呢？阿史今次就同大家講一講啦！
要知道唐朝女性嘅地位同其他朝代都唔同，雖然話駙馬基本都係隸屬於公主，但呢種關係嘅唔平等喺唐代就相當明顯。先講日常嘅生活，要遵守三從四德、守喪等習俗限制嘅人並唔係公主而係駙馬。當時嘅駙馬唔單止冇得納妾，喺成段婚姻當中仲係處於絕對劣勢。
唔少人娶公主都係為咗可以前途一片光明，但喺唐朝成為一個駙馬好多時候就只會被授予閒散虛職，甚至喺唐玄宗時代仲有明文規定「諸王、公主、駙馬外戚家，除非至親以外，不得出入門庭，妄說言語」。所以，唐朝嘅駙馬唔單止冇得出外識人，而且自己嘅任途基本上已經走完，真係陰公！
所以喺唐朝迎娶公主既冇地位，又冇仕途，做錯咩事仲好容易受罰，難怪個個男人都唔想做啦！
原圖嚟自網絡