唔知史友們有冇諗過，自己著緊嘅嗰條牛仔褲喺百幾年之後可以以幾十萬拍賣賣出呢？其實一條普通嘅牛仔衫當然就冇可能賣到咁貴，但一條象徵住美排華黑歷史嘅牛仔褲就有咁嘅可能喇！
要知道喺1882年美國就通過《排華法案》，將所有華人勞工拒於美國之外長達十年，其中一項措施就係禁止華人勞工10年內進入美國牛仔褲公司製作產品以及登上廣告。由於有咗呢條「規例」，所以當時牛仔褲上均印上「由白人勞工製造」嘅字眼。
而呢次拍賣嘅牛仔褲正正就係呢個時代嘅產物，唔單止係現存最古老嘅牛仔褲，而且完整嘅程度仲係可以穿著上身。據了解呢條褲係喺幾年前由一位「牛仔褲考古學家」喺美國西部廢棄礦井發現，褲身上唔單止有當年礦工工作痕跡、照明蠟燭沾上嘅蠟跡，最具歷史價值就係標明呢條褲由白人勞工製造嘅標籤。就係咁樣，呢條象徵住美排華黑歷史、具142年歷史嘅牛仔褲就以逾8萬美元（折合超過68萬港元）成交，真係誇張！
原圖嚟自網絡