希特拉喺成為納粹黨領袖、發動納粹大屠殺之前，佢嘅身份其實喺維也納販賣自己畫作為生嘅一個畫家，如果單純喺歷史價值上嚟討論，佢嘅畫作都係有保存嘅價值。咁到底普羅百姓又覺得呢類「歷史罪人」嘅作品應該點樣被後世對待呢？近排英國就有一個電視節目準備探討呢件事。
英國國營電視近日就推出一個新節目，就係先由電視台購買一啲歷史上具爭議人物嘅藝術品，就好似有希特拉、澳洲戀童癖藝人哈里斯（Rolf Harris）、英國性虐待藝術家吉爾（Eric Gill）嘅作品，再向觀眾舉行一場場投票決定呢啲作品應該被撕碎、火燒定係保留。簡單嚟講節目就係想探討到底藝術品嘅價值同埋創作者生平嘅所作所為能唔能夠分得開，但結果喺節目舉行投票之前，就隨即引嚟大屠殺紀念日信託基金會等單位抨擊以及抗議，表明呢個節目唔應該將希特拉議題當成娛樂。
咁到底藝術品嘅價值同埋創作者生平嘅所作所為能唔能夠分得開？史友們又點睇呢？
原圖嚟自網絡