繼續同史友們介紹世界各地嘅考古發現，上千年歷史嘅埃及木乃伊可能大家都見過，但如果喺秘魯發現八具只有百年歷史嘅木乃伊，又會係點樣一回事呢？今次阿史就同大家講一講啦！
近日考古學家就喺秘魯首都利馬傳奇公園挖掘出八具有百年歷史嘅木乃伊，部分木乃伊甚至手上仲係持有木製十字架，發現時仲係呈現出不尋常嘅姿態。據專家目前清理木乃伊所作出嘅推斷，就認為木乃伊遺址可能係秘魯殖民時期墓地，木製十字架以及紡織品就反映當時嘅人民已經受到西班牙殖民者影響，甚至仲已經皈依天主教或基督教。到底呢八人具體身份係邊個，又因乜事會喺呢度下葬？咁就需要有更多考古發掘工作先有機會解答到喇！
原圖嚟自網絡