如果有去過美國嘅史友，唔知又有冇到美國最高法院參觀過，喺法院外牆其實係有唔少人物類型嘅浮雕。如果以為呢啲浮雕全部都係西方人物咁就錯喇，事關喺正中央嘅三個浮雕當中，就有中國古代先哲孔子喺入面。
據美國最高法院官方網站簡介，喺最高法院大樓頂人像雕刻群當中，主雕像就有三名中西方嘅先賢分別係古猶太人摩西、古希臘七賢之一梭倫以及中國孔子。咁點解會喺美國最高法院嘅外牆做呢種人像雕刻嘅設計呢？據了解呢啲雕像都係赫蒙．麥克尼爾（Hermon MacNeil）嘅作品，佢認為以其他國家地區嘅先賢形象作為雕刻，係可以表達到美國多元、開放、包容嘅元素。
至於點解會係孔子？原來喺美國建國之初，孔子就被奉為西方啟蒙運動嘅世俗聖人，諗起中國文明之時就會率先諗起孔子。
原圖嚟自網絡