繼續同史友們介紹一啲有趣嘅歷史事件，相信唔少史友都必定聽過康熙成功存活落嚟嘅兒子就有24人，但喺康熙在位以及後來離世後，當中就有9人相繼結黨並且進行史稱「九子奪嫡」嘅歷史事件。呢場爭位之戰最終就係由康熙帝皇四子雍親王胤禛取勝告終，曾經參與過「九子奪嫡」嘅兄弟都遭到清算，唯獨係八爺黨成員之一嘅十阿哥胤䄉可以「獨善其身」，到底當中有咩原因呢？
其實為咗可以穩固皇位，除去自己嘅親兄弟對雍正而言都係必然嘅事，之不過以八阿哥胤禩為主嘅八爺黨，八子胤禩、九子胤禟都被削去爵位，圈禁於高牆之內，最終受盡折磨而死。但點解十子胤䄉就冇事呢？
其實喺九子奪嫡五大派系中，勢力最大嘅八爺黨係得到眾多皇親貴胄支持，例如就有鈕鈷祿氏、瓜爾佳氏、葉赫那拉氏等等，而十阿哥其實家世背景係相當高貴，佢母親係溫僖貴妃鈕祜祿氏，亦即係清初開國五大臣之一的鈕祜祿·額亦都嘅後代。憑住家世顯赫呢一點，如果對胤䄉施下太重刑罰，就算係剛剛繼位嘅雍正可能都無法招架。再加上十阿哥喺八爺黨當中亦都冇「突出」嘅成就，所以雍正最終放過十阿哥喇！
原圖嚟自網絡