又一名由細睇到大嘅甘草演員離開我哋喇！早喺今年年初知名甘草男演員余子明就因為缺血性中風而入院，當時佢已經左邊身癱瘓，需要坐輪椅。近一年嚟佢都需要暫停工作，並且由家人照顧起居飲食。
可惜嘅係，呢位老演員喺今日都係因病離開廣大嘅觀眾，終年七十八歲。提起呢位傳奇嘅演員，其實佢早喺七十年代就效力麗的呼聲，後來就喺1976年轉投無線電視。佢先係喺趣劇單元《單吊西與大眼雞》飾演「大眼雞」令觀眾印象深刻，而最為經典嘅劇集莫過於係《封神榜》飾演姜子牙、《楚漢驕雄》嘅酈食其等等，真係幾代人嘅經典回憶！
原圖嚟自網絡