嘩嘩嘩，香港運動員又再次喺世界體壇寫下歷史喇！近日殘疾人羽毛球世界錦標賽SH6級男單賽事當中，呢位香港羽毛球代表就為香港隊奪得一面金牌，並且仲成功登上男子SH6級單打世界排名第一，為香港殘疾羽毛球歷史寫下新一頁。
朱文佳其實喺近年嘅國際大賽當中都有優秀嘅表現，特別係喺2017、2019年兩屆殘羽世錦賽夥拍隊友王鎮炎，連續兩屆贏得SH6級別男子雙打世錦賽金牌。而喺近日嘅比賽當中，朱文佳就先係喺殘疾人羽毛球世錦賽決賽勇挫英格蘭球手Jack Shephard，贏得香港隊喺SH6級別史上首個男單世界冠軍。本來以為呢個結果已經好犀利，但點知喺幾日之後仲得知朱文佳嘅世界排名已經趕過Jack Shephard首度成為「世一」，真係可以用雙喜臨門嚟形容。
原圖嚟自網絡