我國嘅航天科技日新月異，相關嘅紀錄亦都不斷刷新，而喺近日又有一項重要嘅紀錄被打破，就係現時喺中國太空站執行任務嘅航天員陳冬，就成為我國第一位在軌時間200日嘅航天員。
出生喺1978年嘅陳冬，原本係空軍嘅飛行大隊長，喺2010年就經過重重嚴格選拔之下，入選為航天大隊嘅一員。早喺2016年，佢就已經隨神舟十一號飛天在軌工作33天，當時就已經創下中國航天員單次太空駐留時間嘅紀錄。
而今次神舟十四號任務就係陳冬繼神舟十一號後嘅航天任務，自今年6月5日升空後，陳冬就已經進駐天和核心艙超過半年，期間就試過送別天舟三號、天舟四號貨運飛船，迎來問天實驗艙、夢天實驗艙；亦都試過三次出艙任務，進行太空授課，首次在太空過國慶等等。
在軌時長超200天呢個數字背後，其實亦都意味住有全國航天人員上下多年共同嘅努力先可以達成，真係一個唔容易達成嘅紀錄啊！
原圖嚟自網絡