記得中學讀中史個陣，講話宋代時理學大盛，同書院好有關係，好似以往就有應天書院、嶽麓書院、白鹿洞書院、嵩陽書院、石鼓書院等著名書院。咁其實書院又係以乜嘢狀態存在呢？
响中國古代，書院係民間教育組織，最早出現响唐代，盛行於宋代，一般為著名學者私人創建或主持嘅高等學府。不過咁，古代書院其實同現代概念嘅學校好唔同，係係別於官學嘅另一種教育系統，簡單而言係一個唔係培育學生去考科舉嘅機構，更多嘅係匯聚咗一班讀書人講學修書。
而書院風氣大盛，就同北宋名人范仲淹有相當關係。因為范仲淹當年執掌南都府學，認定「致治天下，必先崇學校，立師資，聚群材，陳正道」嘅育才方向，佢後嚟响蘇州任官時奏請立郡學，將所得南園之地建為學校，聘胡瑗為教授。由於蘇州有郡學，所以後人就認為范仲淹造就東南學術之盛，各地書院亦互相模仿，令宋代書院有所發展。
原圖嚟自網絡