現代人要知道時間，只需要望一望電話或者手錶就已經可以，但喺相當依賴太陽嘅古代，踏入晚上時份，古人又係點樣計算到時間呢？阿史今次就同大家講一講啦！
要喺古代嘅晚上得知時間，其實就只能依靠一樣工具，就係漢代發明嘅「銅壺滴漏」，又叫做刻漏、漏壺。呢種單壺沉箭式滴漏嘅原理其實好簡單，就係通過水位穩定嘅流速計時到時間嘅變化。之不過，由於喺唔同水位漏水速度都會唔一樣，所以漢代嘅呢樣發明經常都會出現誤差。
而呢個問題得到改善就係要去到元代，當時解決嘅方法就係增加銅壺數量。成個儀器總共分成兩個部分，第一個部分就係由日壺、月壺及星壺組成嘅送水壺；而另一部分就係受水壺，壺中仲會放置刻有「子」至「亥」十二地支嘅固定標尺，而當子時開始滴水，古人就可以通過標尺前浮起嘅木箭得知時間，受水壺裝滿一桶水就係等同一個一晝夜，真係一樣犀利嘅發明！
原圖嚟自網絡