早兩日除咗係南京大屠殺史系列新書發佈嘅大日子，其實喺侵華日軍南京大屠殺遇難同胞紀念館仲有一場新徵文物史料新聞發布會舉行，阿史今次就同大家講一講到底453件文物史料新證有啲咩新發現啦！
經過專家一系列嘅研究以及鑑定工作後，就公布咗2022年新徵集文物史料，當中就有相關嘅相片、士兵日誌、實物等種類文物，進一步印證侵華日軍暴行。而且仲例如喺新徵集到侵華日軍第九師團步兵第三十六聯隊第十一中隊嘅《陣中日誌》當中，就記錄咗唔同時段唔同地點嘅作戰記錄，全面揭示日軍對中國嘅侵略事實。
至於喺徵集到嘅侵華日軍榮第1644部隊照片，就直接可以同1998年喺南京發現嘅細菌試驗受害者頭顱等證物相互印證，相關嘅資源本來就少之又少，所以呢次文物史料新證填補咗唔少重要史料嘅空白，深化咗專家學者對日本軍國主義侵略本質嘅認識。
原圖嚟自網絡