今時今日大家喺身上都好鍾意掛上各種嘅裝飾，紅繩就應該唔少人都試過戴喺手腕或者腳踝，目的就係為咗求姻緣、保平安。之不過，唔知史友們又知唔知，其實古代嘅青樓女子都一樣會喺自己身上綁上紅繩，到底當中有咩寓意呢？阿史今次就同大家講一講啦！
古代嘅青樓女子其實都會喺自己腰間繫紅繩，當中其實係有幾種深層嘅意思。其一，呢條紅繩嘅作用都係同平常人繫嘅紅繩一樣，就係為咗保佑呢班苦命女子可以平平安安。紅色自古以嚟亦都係被視為吉祥嘅象徵，所以同時亦都係青樓女子寄望可以自己可以盡早脫離青樓，過上幸福安樂嘅日子。
阿史介紹得呢條紅繩自然就唔係咁簡單，呢條紅繩喺「實用」方面嚟講就形同一塊「遮醜布」，係青樓女子最大嘅心理安慰，表示住自己並唔係一絲不掛。簡單一條紅繩，實際上就係佢哋對自己悲劇人生嘅心靈寄託。
原圖嚟自網絡